Banner
Nav Menu
Sidebar

Author: Ron Graham

bislama

Toktok blong Tru God
—Yumi mas folem tok ya

Toktok ya, we yumi mas bilif mo obei long hem, i save mekem wanem? "Mi mi no sem nating long gudnuis ya, from we hem i paoa blong God blong sevem olgeta man we oli bilif long hem..." (Rom 1:16). "Hae God, tok blong yu i olsem laet we i soemaot rod blong mi" (Sam 119:105).

Yumi mas folem evri samting wanem Jisas i tijim long Nuitestamen blong Baebol. Yumi mas agensem ol samting we i no stret long toktok long buk ya, from buk ya i bin kamaot long Tru God long heven.

1 Joenemgud ol Kristin

Toktok ya i save joenemgud ol Kristin man, we oli stap wan. Tijing blong man i mekem plante defren grup we oli gat defren bilif, mo oli faet. Be tijing blong Tabu Spirit i mekem wan grup nomo i gud. Pol i talem se, “Bambae yufala i no moa seraot long ol naranarafala grup. Yufala i mas joen gud we yufala i gat wan tingting nomo, mo we fasin blong yufala i wan nomo” (1 Korin 1:10).

Jisas i bin stanemap wan jos nomo, mo hem i askem Papa blong hem long heven se, "Mi mi prea blong olgeta, we oli bilif long mi, se oli save stap wanmak nomo" (Jon 17:21). ?Stamba blong samting ya, i olsem wanem? I gat wan ansa nomo i stap, se toktok blong God (Jon 17:8,17:17). God i gat wan rod nomo blong mekem “yuniti blong Spirit” (Efesas 4:1-6). Baebol i talem ol samting we Holi Spirit i soemaot olgeta long yumi blong yumi kam wan bodi blong Jisas.

2 Mekem Yumi Prapa

Toktok ya i save mekem yumi kam prapa man blong God. Jisas i bin talem se “Sapos yufala i obei long ol tok ya blong mi, yufala i prapa man blong mi ” (Jon 8:31). Jon olsem i bin talem se, “Man we i ova long mak blong ol tijing blong Kraes, nao i joenem sam moa tok bakegen we i kamaot long tingting blong hem nomo, God i no stap long laef blong hem” (2 Jon 1:9).

Baebol, i stret gud blong tijim yumi ol trutok, mo blong blokem ol krangke tok. Mo i stret gud blong stretem ol krangke fasin, mo blong tijim yumi long ol stret fasin mekem se yumi kam waes moa, mo bambae yumi savegud ol rod blong mekem gudfala wok (2Timoti 3:14-17).

Baebol, i talemaot evri samting we yumi mas mekem blong save stanap long fes blong God taem yumi pas long kot blong God mo hem bambae i jadgem yumi evriwan (Rom 14:10-12). Nao Baebol i gat plante toktok long ol samting ya, be i nogat plante spes long pej ya blong ritim. Be i gat smol spes blong mekem wan lis nomo blong soemaot ol samting ya.

3 Telemaot Guidnuis

Toktok ya i save telemaot guidnuis blong Jisas. Baebol i stap talem gudnuis blong Jisas Kraes long yumi. Gudnuis ya, i olsem. Kraes i bin ded long kros, mekem se i save tekemaot olgeta sin blong yumi, mo hem i laef bakegen we i no save ded bakegen (1Korin 15:1-4). Afta, hem i go antap hae long heven nao hem oltaem i stap prea blong givim help long yumi (Ol Wok 1:9-10, Hibrus 4:12-16).

Hem nomo, i gat paoa blong sevem yumi taem we yumi go long kot blong God (Jon 14:6, Jon 12:32, Rom 1:16).


❖ Written in Bislama the national language of Vanuatu. Bislama is one of several creoles spoken in Australia and islands of the Pacific.


❖ This lesson preached in Childers June 2019, at special worship service for fruit pickers from  Vanuatu


DONATE

to simplybible.com
Webservant Ron Graham


Copyright on print
Footer