Banner
Nav Menu
Sidebar

Author: Ron Graham

bislama

Jos blong Kraes
—?Hem i jes wan narafala grup?

Jos blong Kraes, i gat rod blong joenem olgeta Kristin man we oli kam wan. Jos blong Kraes, hem i no jes wan narafala grup, we i divaedem ol Kristin man moa, nogat.

Yufala evriwan i kam wan nomo, from yufala i joen long Kraes Jisas (Galaesia 3:26-28).

1 Fasin blong divaedem jos i nogud

Jos blong Kraes, hem i traehad we i no mekem eni samting we i divaedem ol Kristin man. Sapos yumi seraot long narafala grup, yumi mekem sin from. Jos blong Kraes i mas kam wan bodi nomo, i no mas go wanwan. Ol jos blong Kraes oli mas kam sem mak blong mekem wan jos nomo. Nao mak ya, i mas olsem stamba we Jisas nomo i givem mo Jisas nomo i talem (1 Korin 1:10-13, Efesas 4:1-6, Jon 17:20-21).

2 Jisas i Hed blong jos

Jisas i talem se, "Bambae mi mi bildim jos blong mi" (Matiu 16:18). Jos i blong Kraes, i no blong man. Wod blong God i agensem fasin we yumi folem tingting blong man nomo (Matiu 15:7-9, Kolosi 2:20-23). Jisas hem i ded finis, mo blad blong hem i ron, mo hem i laef bakegen. Nao hem i hed blong jos, mo tru jos ya, i no gat narafala hed blong hem nating (Kolosi 1:17-20).

3 Baebol nomo i rul blong jos

Evri samting we yumi tijim mo yumi mekem long jos ya, i mas kamaot long Baebol nomo (1Pita 4:11). Yumi mas rere oltaem blong jenisem eni samting we i no stret long Baebol. "Yufala i mas traem olgeta samting fastaem. Afta, yufala i mas holemtaet ol samting we oli gud, mo agensem ol samting we oli nogud" (1Tesalonaeka 5:21-22). Baebol hem i naf blong mekem ol Kristin man long jos we oli gud tumas, mo oli strong we i strong, mo oli rere blong wok (2Timoti 3:16-17)

4 Wan jos nomo, i no narawan

From samting ya, jos blong Kraes i traehad blong bambae i kam olsem jos we Jisas i mekem. Naoia, long taem blong Nuitestamen, evri jos we i stap long samples olsem Efesas o Korin o Filipae, i wan jos nomo from we hem i stap aninit long Jisas nomo, from we hem i hed blong jos ya. Nao evri jos i skul blong Kraes nomo, i no narawan.

5 ?Hu ya i bos long Jos long wanples?

Evri jos wanwan, we i stap long wan ples blong miting, hem i mas kam jos blong Kraes nomo. I no gud we jos ya i joenem sam grup we oli kam bos long hem. Mo jos we i stap long sam ples, ol elda no lida blong hem oli mas lidim jos long ples ya nomo (Ol Wok 14:23). Ol elda blong Efesas, oli mekem eksampol long samting ya. Oli lukaot long jos we i stap long Efesas nomo (Ol Wok 20:1,28). Oli no lidim jos long narafala ples mo lida blong narafala ples i no lidim jos ya. Jos long wan ples, i lukaot long bisnes blong hem nomo long kasem plan blong God.

6 Kraes nomo, hem i givim paoa mo raet.

Setan i save mekem olgeta we oli ting i gud we oli bilif eni samting we oli laekem. Be tingting ya i no stret. Yumi mas traehad long mekem evri samting olsem we Kraes i givim paoa long hem, mo Kraes i givim raet long hem. Paoa ya, i kamaot long Hae God nomo, i no kamaot long eni man. Paoa ya i kamaot long Papa God, mo Jisas pikinini blong hem, mo Tabu Spirit blong hem. Paoa we hem i no kamaot long tok blong trifala ya, hem i paoa nating nomo, from hem i blong man nomo.

7 Joenem Kraes nomo

I gat plante grup we oli gat defren nem, mo defren toktok, mo defren fasin blong wosip, mo defren rod blong oganaesem olgeta samting. Be i nogud blong joenem. I gud we yumi mekem jos blong Jisas Kraes nomo, we jos long wanples ya, i joen long Kraes nomo, i no joen long sam denomination. Hemia nao, jos ya i no divaedem ol Kristin man.


Written in Bislama the national language of Vanuatu. Bislama is one of several creoles spoken in Australia and islands of the Pacific.

Copyright on print
Footer

Google+