Banner
Nav Menu
Sidebar

Author: Ron Graham

bislama

Wan Wud Nambangga
—Tru stori long saed blong hem

Bigfala wud Nambangga (Banian Tri) haf blong hem i faldaon finis. Afta, ol man blong vilej oli no save mekem wosip long spirit blong hem. Jisas Kraes, hem i tru God, mo hem i stamba blong laef we i no save finis (1Jon 5:20)

Stori

Long wan kastom vilej long Tana aelan i gat wan wud. Nao nem blong hem Nambangga. Hem i wan olfala tri mo i bigfala tu. Plante man we oli stap long vilej ya, oli bin stap wosip long spirit we hem i stap long tri ya. Fasin ya i bin wan kastom blong vilej ya longfala taem i pas finis.

Be i no long taem i pas finis, wud ya i brok, mo long naet bigfala haf long tri ya i foldaon bigwan, i brok, i ded long graon ya. Ol man blong vilej oli fraet tumas, mo oli sapraes. Biaen, ol man Ostrelia, oli i go long vilej ya blong talem guidnuis blong Jisas Kraes. Oli talem se, Jisas hem i Tru Tok blong God, mo hem tu i Hae God, we i wokem olgeta samting long wol ya mo long heven (Jon 1:1-5,14). Paoa blong God ya i antap olgeta, i winim paoa blong evri narafala god o spirit.

Nao God, bifo bifo, i mekem graon, mo olgeta samting we i stap long graon. Mo tu, hem i mekem solwota, mo dipsi tu, mo olgeta samting we i stap long solwota, mo dipsi tu. Mo tu, hem i mekem skae, mo olgeta samting we i stap long skae (Jenesis 1:1-31, 2:1-2, Kolosi 1:15-20). Nao God ya i wan God nomo, be i gat trifala i kamaot long hem: Papa long Heven, Jisas we i stret Pikinini blong hem, mo Tabu Spirit, trifala i stap oltaem, mo trifala i sem mak olgeta. Trifala ya, i stap olsem wan God nomo, we i hae we i hae. Mo trifala ya togeta, i mekem olgeta samting we oli stap (2Korin 13:14).

Jif blong kastom vilej ya, hem i ting se, "No man bifo i bin talem mi samting ya. God blong yufala i strong, be god blong mi i slak, i nogud we me gohed long wosip long hem." Mo jif ya i gat wora long eye blong hem i ron. Mo ol man long vilej ya i no letem ol man Ostrelia se oli sidaon andanit Nambangga, from ol man long vilej i fraet we Hae God maet i mekem tri i brok moa, mo narafala haf i foldaon mo kilim sam man.

Wan man Ostrelia, taem i bin prij long olgeta, i talem stori we i kamaot long 1King 18:20-40 long Baebol ya.

Hemia stori blong profet Elaeja we hem i testem ol profet blong Bal. Nao Bal ya, hem i wan kastom god, mo 450 profet (oli olsem ol kleva) oli singaotem hem. Elaeja i talem se, "Yufala i mekem wan alta wetem ston, mo yu puttum faewud long hem, mo buluk antap. Nao yu singaotem kastom god blong yu, blong i senem faea we bae i bonem sakrefaes ya." Oli mekem olsem, mo oli kraeaot bigwan, mo oli danis, mo oli katkatem bodi blong olgeta. Samting ya i gohed longtaem be Bal i no save mekem any samting. Elaeja i jikim olgeta se, "Ating god blong you i slip, o hem i aot long ples ya."

Afta, Elaeja i mekem alta olsem, be i talem say, "Yufala i putum wora long hem." Trifala taem oli putum plante wora long buluk mo wud mo ston alta mo graon olbaot. Afta, Elaeja i mekem wan smol prea blong askem God se i sanem faea i kamdaon long Heven. Mo fae i kam kwiktaem, i bonem olgeta samting ya, faea i kakae buluk, mo wud, mo ston, mo wora long graon tu. I gat nating i stap, nogat.

Hae God ya i no rot olsem wud, i no kam slak, i no foldaon samtaem. I no gat en blong hem. Paoa mo laef blong hem i stap, gogo i no save finis, mo hem i laekem tumas we yu kasem laef ya sapos yu bilif mo obei stret Pikinini blong hem, Jisas Kraes. Hem i tru God, i no olsem spirit blong ston o tri o animol o man. Olgeta ya, oli no god blong wosip, oli samting nating we tru God i bin mekem. Hemia nao, yumi mas wosip long God we bifo i mekem olgeta samting.


Written in Bislama the national language of Vanuatu. Bislama is one of several creoles spoken in Australia and islands of the Pacific.


DONATE

to simplybible.com
Webservant Ron Graham


Copyright on print
Footer