Banner
Nav Menu
Sidebar

Author: Ron Graham

bislama

Jisas i bin Mekem Wan Sakrefaes
—blong Tekemaot Olgeta Sin

Long taem ya bifo, Jesus i talem wan parabol, hemia stori blong wan slef we hem i gat wan bigbigfala kaon blong pembak long king blong hem. Nao slef ya i fraet so i mekem wan promes long king ya, se bambae hem i save pemaot long king ya olgeta kaon blong hem. Be i klia se slef ya bambae i no save givimbak long king eni samting nating. Nao king ya i sori tumas long slef ya, mo king ya i rabemaot koun blong slef ya, i fogivim olgeta, i no putum hem long kalabus (Matiu 18:23-27).

1 Jisas i bin Mekem Wan Gudfala Sakrefaes

Yumi stap olsem slef ya, from we taem yumi kam stanap long fored blong fes blong God, yumi no gat paoa nating blong mekem se yumi i klin long ae blong God. Nao God i sori tumas long yumi, mo hem i wantem blong forgivim olgeta koun ya, we yumi no save pembak. Nao God i save forgif, from Jisas Pikinini blong God, i givim blad blong hem blong mekem wan sakrefaes we i save wasemaot olgeta sin blong yumi. Jisas i "Smol Sipsip blong God, we i karemaot ol sin blong wol" (Jon 1:29).

From yumi no save pemaot koun blong ol sin blong yumi, oraet God i lavem yumi so i pem praes we i naf blong rabemaot ol sin blong yumi. Praes ya, mo sakrefaes ya, tufala yumi nogat, be God i mekem sakrefaes finis we i naf blong pem olgeta koun, mekem se yumi i fri long Jisas Kraes.

Ded blong Jisas Kraes nomo, hem i save tekemaot olgeta sin. (Hibrus 9:15). Hemia i blong niufala loa mo promes we tufala i gud moa, from ded blong Kraes mo sakrefaes blong blad blong hem, i stamba blong niufala loa mo promes ya. Blad ya i ron finis, mekem se yumi kam fren blong God from sakrefaes ya. Hemia nao, nuifala loa blong Kraes i gat paoa blong forgivim yumi (Matiu 26:28).

2 Jesas i Save Tekemaot Olgeta Sin

Ol narafala sakrefaes bifo, maet oli stap nating nomo from oli no save tekemaot sin, be oli pija blong ded blong Kraes we i kam longtaem afta. Yumi nidim wok blong Jisas se "hem i kamtru wan taem nomo blong i givim laef blong hem blong tekemaot sin blong ol man." (Hibrus 9:26b). "Kraes ya, hem i man we i ded blong mekem rod blong God i tekemaot ol sin blong yumi. Mo i no blong yumi nomo, i blong olgeta man long wol." (1John 2:2).

Taem we Jisas hem i ded, olgeta sin we i bin stap long kaon long olfala loa bifo, nao God i save forgif gogo i no save finis. Olfala loa i no gat rod blong pembak koun o tekemaot sin. Ol man we oli bin traem obei long olfala loa, oli mas bilif finis long narafala samting longwe long loa, mekem se God i save forgivim sin blong olgeta. Oli mas karem hop finis, se bambae Kraes i ded blong mekem gudfala sakrefaes we olfala loa i nogat.

3 Jisas i Tekemaot Tufala Samting we i Stap Wetem Sin

Taem we Jisas i ded long kross, hem i tekemaot sin, be tu, i tekemaot tufala samting we i stap togeta wetem sin —hemia loa mo ded. Pol i soemaot hao nao olfala loa i mekem rod blong sin, mo biaen, sin i mekem ded (Rom 7:4-13). Yu luk long passis ya, se Pol i joenem trifala samting, loa, sin, mo ded.


Translated from the English into Bislama, the national language of Vanuatu. Bislama is one of several creoles spoken in Australia and islands of the Pacific.

Copyright on print
Footer